RSS

Môšéškanetsénoonáhe (The Bat)

04 Apr

Môšéškanetsénoonáhe (The Bat)

1. No’ka tótseha hováhne

2. móhmóheeohtsêhevóhe

3. naa mato hápó’e vé’kêseho tséohkeame’hase.

4. Naa môšéškanetsénoonáhe mósto’sevéseéetsêhe’ôhtsêhéhe tséhmóheeohtséstovetse. Estatsêhe’ôhtsesêstse hováhne tséhmóheeohtsetsêse.

5. Estsêhetaesesto hováhne, “Nésáahováhévéhe, névé’kêséheve. Tatsêhe’ohtsêstse vé’kêseho tséhmóheeohtsevôse.”

6. “Naa épêhéva’e. Nâhtaévatsêhe’ohtse vé’kêseho tséhmóheeohtsevôse,” éxhesêstse môšéškanetsénoonáhe. Estatsêhe’ôhtsesêstse vé’kêseho tséhmóheeohtsetsêse.

7. Naa hánâháóhe tséstâho’eohtsêse éhnêxhósepéohesêstse. “Tatsêhe’ohtsêstse hováhne tséhmóheeohtsevôse. Nésáavé’kêséhévéhe. Néhováheve,” éxhestóhesêstse.

8. Ehne’évaaseohtsesêstse.

9. Naa náme’tatónêšévémâse, tósa’e náho’xêstâhemâse? exhešêtanosêstse. Ta’sotse náhováheve. Naa “névé’kêséheve,” náhetaa’e. Naa tséhešêsáavé’kêséhévêhéto. Tósa’e náho’xêstâhemâse? Násáaxaehéne’enóhe.

10. Tósa’e ésáaho’xêseotséhesêstse môšéškanetsénoonáhe. Mó’ôhkêhéseéveahtoešenâhéhe éšeeva. Tósa’e heva ma’taa’e heva véhpotseva éohkeahtoešenasêstse.

11. Tósa’e móho’nóhkeéeamehnêstse tahta.

12. Naa hena’háanehe.

Advertisements
 
Leave a comment

Posted by on April 4, 2013 in CHEYENNE LANGUAGE

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: