RSS

The Absent-minded Indian

04 Apr

The Absent-minded Indian
Hé’tóhe na’êstse máto hová’éhe ta’se tsééemaehéne’enátanó’tomo
vá’nêhóhta’heonôtse vo’êstane tsé’éveó’ôsetanôse heva
tséstaéveó’ôsenétâhévo’eetaese na’êstse ma’háhkése tâháóhe évaveto.
Nánêxhéne’enovo Ôhméseestse é’ôhkêhestohe. Vétanovéo’hé’e
éhvo’êstanéheve.
Nêhe’xóvéva é’ôhkeosée’évêhoháeméoto’eo’o tsééšêhátaa’éhahese.
Mósto’seméoasêto’eohtsêhevóhe tsé’ôhkêsó’hoxomevôse tsêhéóhe Méave’ho’eno
Vó’aehéo’hé’e.
“Ta’méo’éxaneneo’o, nâhtsenêxhého’eoha’ovoo’o mo’éhno’häme,”
éxhetósesto he’óho tséá’enose.
Mó’osáaneotá’méoto’éotsêhéhe tsésto’seéševó’neotsetse.
móstâho’eohtsé’tovôhevóhe hestotseho tséhnéetsêse. Na’êstse móhnâha’enôhevóhe.
Mó’osáanetáxevonêhnêhenotóhe. Móstaosáaneasêhoemôhevóhe tséhestôxetsêse
hestotseho. Exaeno’tšêhováneehésesto na’êstse. Tséstaéšetšêšêhóvo’ooha’ovôse éstasenôhtséoohé’tovósesto néhe tsétáhoese. Ehvóhpe’xoénêsesto. Tâháóhe tséstamé’a’xêsetsésta’óma’o’etse éssáavóomóhesesto. Nêhe’še mó’asetá’hasó’hehéhe nonó’hónó’e háá’êše éstâhešenôhtsé’ovósesto. Nêhe’še nonó’hónó’e móstanêšenó’nêševeohtsêhéhe. Nêhe’še tséhne’éšemé’êhnetsêse éše’hóho éhnéhnetameotsesêstse. Nêhe’še móhnêšêhóohta’ovo’hamêhéhe. Estâho’a’ovo’hamesêstse hevenôtse tséxho’tatse.
He’óho tséá’enose anósema é’amóeóesesto. Móhnêhnôhtsevóomaehevóhe.
éstâho’etáhoeotsé’tovósesto.
“Exaeno’kêhovánee’e na’êstse mo’éhno’ha. Ta’se
éxamae’éstsévoeotse vóhpe’xoénéhe,” éxhetósesto.
“Naa néváéso néhe tsétáhoeto?” éxhetaesesto.
Estamónêhéne’enánôse. Néhe tséno’kêhováneehétsese móstáhoehénotóhe.
Estatšêšeánôhetsêheta’éotsesêstse. “Tsêhéóhe hemé’kóne he’ama tsêhéóhe
néhmâsóoomêstse!” éxhetósesto tsévéstoemose.
Hená’hanehe néhe ma’háhkése tséhešeó’ôsetänôse.

Advertisements
 
Leave a comment

Posted by on April 4, 2013 in Uncategorized

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: